بوون لە نێوان پەرەسەندن و دیزاینی زیرەك

بوون لە نێوان پەرەسەندن و دیزاینی زیرەك

---------------------------------------------------

نووسینی : کارزان كوزمولوجيست

29-3-2014

بیردۆزی التصمیم الذکي Intelligent Design خەریکە دەبێتە یاسایەکی جێگیر لە ناوەندە زانستیەکان و رۆژ لە دوای رۆژ لە جیهاندا شوێنکەوتووانی زیاد دەکات لە زانایان و فەیلەسووف و تایبەتمەندەکان  چونکە ئەم بیردۆزە لەسەر بنەمای زانستی و لۆژیکی هەنگاو دەنێت و زۆر بە وردی لە بەش و پێکهاتەکانی بوون و ژیان دەکۆڵێتەوە . فەلسەفەی ئەم بیردۆزە بریتیە لە دانەپاڵی دەستێکی زیرەك و دانا کە لە دەرەوەی ئەم گەردوونەیە بۆ  بوونی هەموو بەشەکانی گەردوون نەوەك هەموو مێتریالەکانی زیندوو و نازیندوو بە رەهەندێکی خەیاڵی و دوور لە بنەماکانی زانست و لۆجیك پارافرەستیك بکەی و بیگێریەوە بۆ ملیارەها ساڵ پێش ئێستا و بە کەیف و دڵی خۆی رێزبەندی و پۆلینی زیندەوەران بکەی!!  

کاتێك سەرنج دەدەین لە بوونەوەران کە بە تەصمیم و دیزاینێکی یەکجار ورد و رێك و تەواو دروستکراون لە ئاستێکی رێکخستنی یەکجار بەرزدان بۆیە بیگوومان دەبین کە : (( لە پشت هەموو رێکخستنێکی زیرەکانە رێکخەرێکی ''زیرەك'' هەیە )) .

هەر ئەم ئالۆزی و تەعقیداتەی ناو بوونەوەران بوو وای لە کۆمەڵێك زانا کرد  بیربکەنەوە و رای خۆیان بگۆرن لە هۆکاری ئیبهۆسی و پەرەسەندنەوە بۆ بوونی خودایەکی دیزاینەر و دانا لە سەرووی هەموو سروشت و بووندا کە هەرگیز مرۆڤ ناتوانێ بە تەواوی وەسفی بکات و لێی تێبگات مەگەر بەو ئەندازەیەی کە خۆی پێمان ناساندوە لە رێگای پێغەمبەرانەوە ، چونکە ئەگەر دروستکراوەکانی ئەوەندە ئالۆز و رێك و ورد و تەواو بن ئاخۆ دەبێ زاتی خودا خۆی چۆن بێت ؟؟!

با چەند نموونەیەك وەربگرین :

- پرۆفیسۆر ئەنتۆنی فلۆو کە یەکێک بوو لە مولحیدە جیهانیە بەناوبانگەکان و زیاتر لە 50 ساڵ بانگەوازی دەکرد بۆ ئیلحادیەت و زیاد لە  30 کتابی داناوە لەسەر ئیلحاد ، بەلام لە دواییدا کە زانست و تەکنۆلۆژیا پێشکەوت و پەردەی لادا لەسەر ئەو سیستەمە ئالۆزە نەبینراوەی لە کرۆکی بوونەوەراندا هەیە کە لە جیهانی مایکرۆییدا شاراوە بوو لە ناو خانەکانی زیندەوەران ، فلۆو بۆی دەرکەوت ئەم هەموو رێکخستن و وردەکاریە هەرگیزا و هەرگیز ناکرێ دەرەنجامی صودفە یان سروشت بێـت ، بۆیە لەدوای توێژینەوەیەکی وردی خانەی زیندوو The Cell لەگەڵ تێرامان لەم گەردوونە زەبەلاح و گەورەیە بۆی دەرکەوت "کە بێگومان دەبێ خودایەك هەبێ و هەبووە کە بوونەوەرانی بەم دیزاینە لەرادەبەدەر رێك و تەواوە دارشتوە و خەلقی کردوون" هەروەها لە دیمانەیەکی تەلەفزیۆنی فلۆو دەڵێت : " یەکێکی تر لەو فاکتەرانەی کە وای لێکردم بڕوا بە خودا بێنم زانای بەناوبانگ ئەلبێرت ئەنشتایین بوو کە ئەویش بڕوای بە دیزاینەری گەردوون هەبوو واتە خودای گەورە " . وە ئێستا فلۆو بروای بە خوای گەورە هێنا و دەڵێت هیچ خودایەك نیە جگە لە الله .

- وە هەروەها زانای کیمیای زیندەیی فرانسس کریك بەرەگەز بەریتانی یەکێك بوو لە سەرخەرانی بیردۆزی ئیڤەلۆشن بەلام ئەویش رای خۆی گۆڕی و وتی : پەیکەرێکی ئالۆز و معقدی وەکو DNA هەرگیز ناکرێ بەرهەمی صودفە یان سروشت بێت بەڵکو دەبێ رێکخەرێك و دیزاینەرێکی زۆر زیرەك هەبێ کە ئەمانەی بەم شێوەیە دیزاین کردووە ، وە هەروەها دەڵێت لەناو خانەیەکی زۆر بچوکدا ئەم هەموو دەزگایە کاردەکەن کە "وێستگەی وزە و کارگە وتەکنۆلۆژیایەکی زۆر ورد و رێك و بنکەی داتای ئالۆز و سیستەمی زەخیرەکردن و پالاوتگەی پێشکەوتوو و پەردەی خانەی هۆشیار کە دەزانێت لە دەرەوە و ناوەوەی خانەدا چی روودەدات" کە دەبێ ئەمانە هەر هەموویان لەیەك کاتدا کار بکەن ، بێ گوومان دیزاین کراوە و دەستی خالقی پیوە دیارە بە رەهایی .

- بەهەمان شێوە لەدوای سەرهەڵدانی بیردۆزی التصمیم الذکي یان دیزاینی  زیرەك زانای مایکرۆ بایۆلۆژی "دۆگی ئێکس" دەڵێت :

"ئەگەری" دروست بوونی تەنها یەك پرۆتینی ناو خانە دەیسەلمێنێ دیزانەرێك هەیە لە پشتی ئەم گەردوونەدا ، کاتێك ئێکس یەك بلیۆن ساڵی دانا وەکو رەخسناندنی بوارێك بۆ تەنها دروست بوونی یەك پرۆتین بۆی دەرکەوت کە ئەگەرەکە زۆر زۆر زۆر لاوازە بەرادەیەك هەر جێگای سەرسورمانە ! ئەگەرەکەی بریتی بوو لە یەك لەسەر دە توان سەد و شەست و چوار ، بە رەنووس :

{{ یاسای ئەگەر

ئەگەر = ژمارەی جارەکان کە لەوانەیە کەوتنەوەی رووداوی تێدا دووبارە بێتەوە ÷ ژمارەی جارەکان کە رووداوەکەی تێدا روودەدات }}

1 / 100000000000000000000000000000000000000000000000000000000000000000000000000000000000000000000000000000000000000000000000000000000000000000000000000000000000000000000

کە ئەم رەنووسە هیچ لۆژیکێك قەبوولی ناکات کە تەنها یەك پرۆتین بە بێ دایزاینەر دروست بووبێت لەکاتێکدا ماوەی یەك بلیۆن سالیشی پێدابوو لە هەژمارەکانی بۆ یەك پرۆتین !!! ئەی دەیان هەزار ئەندامۆچکەی وەکو پرۆتین لە ناو خانەك کە بەچاو نابینرێت ؟؟!!! ئەی دروست بوونی زیاتر لە 150 ملیۆن جۆری زیندەوەر ؟!!!

هەروەها "بیل گیتس" دەڵێت :
{{ ناوکە ترشی DNA بریتیە لە پرۆگرامێکی کۆمپیوتەری بەڵکو لە هەموو پرۆگرامەکانی کۆمپیوتەری ئالۆزترە بە موطلەقی ، وە ئەمەش گرینگی خۆی هەیە چونکە ئێمە دەزانین کە هەموو پرۆگرامیك لە لایەن پرۆگرامسازەکانەوە دێن "البرمجي" واتە هەموو زانیارییەکان لە سەرچاوەیەکی زیرەکەوە دێن نەوەك لە هیچەوە ، هەر بەم شێوەیەش کاتێك زانیارییەکانی ناو DNA دۆزرانەوە بێ گومان دەبێ ئەمانەش لە سەرچاوەیەکی زیرەکەوە هاتبن کە دیزاینی کردووە }}

کەواتە با ئێستا بپرسین ئاخۆ رێژەی ئەم دیزاینە زیرەکە {{ Intelligent Design }} چەندە لە ئاستی گەردیلەیی ؟

وەلام :

دیزاینی زیرەك دەڵێت سەرەنجامی رێژەی جیاوازی دیمەتەری ناوکەکانی گەردیلە لە دووری و نزیکی يەوە بە بڕی یەکسان لە پێچەوانەی ئاراستەدا دەکاتە :

1 / 1000000000000000000000000000000000000000000000000000000000000000000000000000000000000000000000000000000000000000000000000

واتە 1 لەسەر 10 توان سەدو 120 نزیکەی دوو دیشلیار یەکەی ژمارەیی ئەگەر دووری دیمەیتەرەکانیان لەیەك نزیكخرانەوە یان دوورخرانەوە ئەوا سیفەتی بوونی "گاردنی" لەدەست دەدەن .

نامەوێت زۆر درێژە بە باتەکەم بدەم بەلام بە پێویستی دەزانم کەوا ڕای زانای مولحیدی گەردوونناس لیونارد سیسکیند Leonard Susskind تان بۆ باس بکەم کە دەڵێت : {{هیچ عەقڵێكی تەواو باوەر بەوە ناکات گەردوونێكی وەها ئالۆز و لە ئاستی 120 پلەی توانی هێزی ژمارەی دەیی  رێکخرابێت و بڵێــین ئەمە بە صودفە دروست بوو یان کاری سروشتە ! بەڵکو پێویستی بە دیزانەر و موصەمیمێکی زیرەك هەیە . وە دەڵێت زانایانی فیزیا لەوە دەترسن کە ئایین بە فیزیا تێكەڵ ببێت!! چونکە ئەوکات راستی ئایینەکان دەردەکەوێت بۆ خەڵك }}

کەواتە دەبێ ئەوە بڵێن : خودای گەورە زۆر بە ورد و ڕێـکی هەموو شتێکی درووست کردوە بە ئەندازە و قەدەری خۆی کە زانستی نوێ و زانایان ئەمەیان بۆ سەلماندین و پاڵپشتی ئاینە ئاسمانیەکانیان کردینەوە .

لە کۆتاییدا ئەم ئایەتەتان بیردەخەمەوە کە لەگەڵ ئینتەلەگێنت دیزاین هاوتیۆرە :

{ إِنَّا كُلَّ شَيْءٍ خَلَقْنَاهُ بِقَدَرٍ }  سورة القمر - 49

بێگومان ئێمە هەموو شتێكمان بە ئەندازەی خۆی دروست کردووە .

---------------------------------------------------------

**************************************

ئیعجازی ژمارەیی --- سبحان الله

ئایا وەلامی بێ دینەکان چیە بۆ ئیعجازە ژمارەییەکانی قورئانی پیرۆز ؟

نووسین و ئامادەکردنی : کارزان چاورەش
28-3-2014

-------- ئایا ئەم ئیعجازانەش محمد (ص) وەری گرتووە لە یۆنانیەکان و میصریە کۆنەکان یان ئەمانە هەر بەراست ئیعجازی قورئانن کەوا هیچ کتابـێك نیە لەم جیهانەدا ئیعجازی ژمارەیی تیابێت بە کتابە ئاسمانیەکانیشەوە جگە لە قورئانی پیرۆز ، ئەگەر هەندێ لە ئیعجازەکانی تر قال و قیل هەڵبگرێت بەلام ئیعجازی ژمارەیی هیچ بوارێك بۆ ئەمە ناهێڵێتەوە . وە ئەگەر یەك ئیعجاز بوایە یان دوو یان سێ دەمانگوت ئەمە بە صودفە بووە بەلام بەسەدان ئیعجازی ژمارەیی هەلە لە قورئان کە رەنووسی هەندێکیان بە هەموو بژمێرێك 'حاسبة' یەك هەژمار ناکرێت .

ئێستاش من یەك ئیعجازی ژمارەیی وەکوو نموونە باس دەکەم لە سورەتی ق و سورەتی ص :

ص والقرآن ذى الذكر (1)
ق والقرآن المجيد (1)

پیتی ص لە سورەتی ص 29 جار هاتووە .

پیتی ق لە سورەتی ق 57 جار هاتووە .

با ئێستا کۆیان بکەینەوە :

57 + 29 = 86= ژمارەی سوورەتە مەکـکـیەکان .

ئەمجارەیان با کەمیان بکەین :
57 – 29 = 28=ژمارەی سورەتە مەدەنیەکان .

وە ژمارەی 57 لە 5 و 7 پیكهاتووە واتە 5+7=12
وە ژمارەی 29 لە 2 و 9 پێکهاتووە واتە 2+9=11

با ئەنجامەکانیان کۆ بکەینەوە :
12+11=23 وە 23=ژمارەی سالەکانی دابەزینی قورئانی پیرۆز .

وە ئەمجارە با کەمیان بکەین :
12 - 11 =1 وە خوای گەورەش یەکە .

ئەمجارەیان با ژمارەکان جارانی یەكتر بکەین :

57x29=1653
ژمارەی ریزبەندی پیتی ص لە ئەبجەدی عەرەبی = 14
ژمارەی رێزبەندی پیتی ق لە ئەبجەدی عەرەبی = 21

14x21=294

سورەتی ص لە جوزئی 23 یەو سورەتی ق لە جوزئی 26
26 - 23 =3

2=ژمارەی هەردوو سورەت یان هەردوو پیتی ص و ق

2+3=5

1653 – (294 - 5 ) = 1653 – 289 = 1364 ژمارەی وشەکانی هەردوو سوورەتی ق و ص
---------------------------------------------
بێ دینی بەرێز ئایا ئەمەش صودفەیە یان نیشانەی راستی و دروستی قورئانە کە بە وەحی دابەزیوە ؟

دڵــی مرۆڤ له‌ نێوان زانـست و قورئاندا

            مرۆڤ که‌ زینده‌وه‌رێکی ناوك راسته‌قینه‌یه‌ و له‌ کۆمه‌ڵێك کۆئه‌ندام پێکهاتووه‌ ، یه‌کێك له‌ کۆئه‌ندامه‌کانی بریتییه‌ له‌ " کۆئه‌ندامی سوڕان "

کۆئه‌ندامی سوڕان وه‌ك هۆکارێکی گواستنه‌وه‌ له‌ نێوان ئه‌و خانانه‌دا کارده‌کات که‌ له‌ رێگه‌یا‌نه‌وه‌ دوو شله‌ ده‌گوازرێنه‌وه‌ ئه‌وانیش خوێن و لیمفن .

لێره‌دا باسی سورانی خوێن ده‌که‌م که‌ پێی ده‌ڵێن  دڵه‌ لووله‌ کۆئه‌ندام " Cardiovascular system " له‌ رووی میکانیزمی فه‌رمان و کۆنترۆڵی له‌شه‌وه‌ .

دڵ : ئه‌ندامێکه‌‌ راده‌بێ به‌ گواستنه‌وه‌ و پاڵنانی خوێن له‌ رێی تۆرێك لووله‌ی خوێنه‌وه‌ ،  هاوکات به‌ ده‌ماغی دووه‌میش پێناسه‌ ده‌کرێ که‌ ژماره‌یه‌ك ده‌مارەخانه‌ی تیایه‌ .

ئایا دڵی مرۆڤ به‌س وه‌کو پاڵنه‌رێکی خوێن‌ کارده‌کات یان فه‌رمانی تری هه‌یه‌ ؟؟

سه‌ره‌تا ده‌بێ ئێمه‌ بزانین کۆنترۆڵکردنی له‌ش له‌ رێگەی ده‌ماغه‌وه‌ به‌ شێوه‌ی کاره‌باییه‌وه‌ ئه‌نجام ده‌درێ له‌ رێی موڤ نیه‌ورۆنسه‌وه‌ واته‌ ده‌ماره‌خانه‌ی گوێزه‌ره‌وه‌ی زانیاری له‌ ده‌ماغه‌وه‌ بۆ هه‌موو له‌ش وه‌ به‌ پێچه‌وانه‌شه‌وه‌ ، وه‌ له‌ ناو ده‌ماغدا ده‌ماره‌ خانه‌کان فه‌رمانیان گواستنه‌وه‌ نیه‌ "موڤ ئینفۆرمەیشن" به‌ڵکو لێکدانه‌وه‌و شیکاری زانیاری وه‌رگیراوه‌ ، به‌لام پسپۆران و زانایانی بایۆلۆژی دوای ئه‌وه‌ی لێکۆلینه‌وه‌ی وردیان ئه‌نجامدا له‌ سه‌ر دڵی مرۆڤ بینییان که‌وا دڵی مرۆڤ هه‌مان ده‌ماره‌خانه‌ی ده‌ماغی تیایه‌ که‌ فه‌رمانیان لێکدانه‌وه‌و شیکاری زانیارییه‌ ، شایه‌نی باسه‌ ئه‌م ده‌ماره‌خانانه‌ Neurons  ژماره‌یان 40000 ده‌ماره‌ خانه‌یه له‌ ناو دڵدا که‌ به‌ شێوه‌یه‌کی سه‌رسوڕهێن له‌گه‌ڵ ده‌ماغ کرداره‌کانی میکانیکی و ئایدۆلۆژی له‌ش رێکده‌خه‌ن و کارلێك دەکەن . لێکۆله‌ران گه‌یشتنه‌ ئه‌و بروایه‌ی که‌  وتیان ده‌ماغی مرۆڤ له‌ لایه‌ن دڵه‌وه‌ کۆنترۆڵ ده‌کرێ و‌ دڵی مرۆڤ بیرده‌کاته‌وه‌ و تێده‌گات و لێکده‌داته‌وه‌ .

ئه‌وه‌ی ده‌بێته‌ ئیعجازێکی مه‌زنی قورئان ئه‌وه‌یه‌ که‌ 1430 ساڵ له‌مه‌وبه‌ر خوای گه‌وره‌ ئه‌م راستییه‌ی باسکردووه‌ که‌ ده‌فه‌رموێ : { أَفَلَم یَسیرُوا فِی الاَرضِ فَتَـکوُنَ لَهُم قُلوُبٌ یَعقِلوُنَ بِها  } الحج 43 واته‌ : ئاخۆ ئه‌وان‌ نه‌گه‌راون به‌سه‌ر زه‌ویدا له‌ کاتێکدا دڵیان هه‌یه‌ و پێی بیر ناکه‌نه‌وه‌  .

له‌ کۆتاییدا ده‌مه‌وێ تیشک بخه‌مه‌ سه‌ر چه‌ند ره‌خنه‌یه‌کی بێ دین و عەلمانیەکان که‌ ده‌لێن ئێستا زانست و ته‌نکنۆلۆژیا توانیویه‌تی دڵی ده‌ستکرد دروستبکات "القلب الأصطناعي : Artificial heart " که‌ به‌س خوێن ده‌گوازێته‌وه‌ و مرۆڤه‌که‌ش به‌ ئاسایی ده‌ژی !! که‌واته‌ قورئان هه‌له‌ی کردووه‌ و مرۆڤ به‌ دڵ بیر ناکاته‌وه‌ و هیچ په‌یوه‌ندیه‌کی به‌ ده‌ماغه‌وه‌ نیه‌ !!

زۆربه‌ی بێدینه‌کان به‌ شێوه‌یه‌کی رووکاری و سورڤەیزی ده‌رواننه‌ بابه‌ته‌کان و ناچنه‌ قولاییه‌که‌ی و لێبکۆڵنه‌وه‌ تا بزانن ئایا له‌ راستیشدا هه‌ر وایه‌ ؟!!

له‌سه‌ره‌تاکانی ساڵی 1950 وه‌ هه‌ولی دروستکردنی "دڵی ده‌ستکرد" دراوه‌ ، که‌ له‌دوای هه‌وڵ و تێکۆشانێکی زۆری پسپۆرانی پزیشکی توانرا یه‌که‌م دڵی ده‌ستکرد بچێنرێ له‌ جێی دڵه‌ ناته‌واوه‌که‌ی خۆی له‌ لایه‌ن دکتۆر "ونتون کولی" که‌ له‌ په‌یمانگای تیکساس بۆ دڵ کاری ده‌کرد له‌ ولایه‌تی نه‌ته‌وه‌ یه‌کگرتووه‌کان . که‌ ئه‌مه‌ له‌ ساڵی 1969 بوو‌ نه‌خۆشه‌که‌ش ‌ له‌ دوای 60 کاتژمێر مرد !! وه‌ له ساڵی 1982دا لێژنه‌یه‌کی پزیشکی به‌ سه‌رپه‌رشتی دکتۆر ولیه‌م دیفرایز توانیان دڵی ده‌ستکردی Jarvik 7 بچێنن بۆ نه‌خۆشێك به‌ ناوی بارنی کلارك که‌ 112 ڕۆژ ژیا و دواتر مرد !! که‌واته‌ ئه‌م دڵه‌ به‌س بۆ کاتی ته‌نگانه‌یه‌ تاکو دڵێکی سروشتی ده‌ست ده‌که‌وێ و له‌ جێگای داده‌نرێته‌وه‌ .

ئه‌م دڵه‌ ده‌ستکردانه‌ زۆر جار نه‌خۆش توشی سه‌کته ده‌که‌ن ‌ که‌ له‌ ئه‌نجامی جه‌ڵته‌ی خوێنه‌وه‌یه‌ به‌رهه‌مدێ له‌ ناو دڵه‌ ده‌ستکرده‌کان ، که‌ له‌ دواییدا موولووله‌کانی خوێنی ده‌ماغ ده‌گرێت ، ئه‌مه‌ و ده‌یان له‌مپه‌ری تر هه‌یه‌ که‌ ئه‌م دڵه‌ ده‌ستکردانه‌ رووبه‌رووی ده‌بنه‌وه‌ ، زانایان له‌ دوای ئه‌وه‌ی‌ دڵی ده‌ستکردیان دانا بۆ پیاوێك به‌ ناوی peter Houghton  راسته‌وخۆ ئه‌م پیاوه‌ گۆرا و گرینگی به‌ هیچ شتێك نه‌ده‌دا !! گرینگی به‌ پاره‌و ماڵ و ژیان و هیچ شتێ نه‌ده‌دا و نه‌یده‌زانی بۆچی ده‌ژی وه‌ هه‌ندێك جار بیری له‌ خۆ کوشتنیش ده‌کرده‌وه‌ !!،،، وه‌ پیاوێکی تری موسڵمان , بوو به‌ مولحید دوای ئه‌وه‌ی دڵی که‌سێکی مولحیدیان بۆ دانا که‌ به‌ روداوێك مردبوو ! وه‌ ئه‌م پیاوه‌ دوای ئه‌وه‌ی بووه‌ مولحید زۆر سیفاتی که‌سه‌ مولحیده‌که‌ی هه‌ڵگرتبوو که‌ دڵه‌که‌ی لێ وه‌رگیرابوو !!

هه‌روه‌ها له‌ کاتی دانانی دڵی ده‌ستکرد بۆ مرۆڤ لاسه‌نگییه‌ك دروست ده‌بێ له‌ نێوان لێدانی دڵ و ئه‌و شه‌پۆلانه‌ی که‌ ده‌ماغ بلاوی ده‌کاته‌وه‌ "شه‌پۆڵی گاما"  چونکه‌ هه‌ر چه‌ند ژماره‌ی لێدانه‌کانی دڵ زیاد بکات به‌و ئه‌ندازه‌یه‌ش ده‌رکرده‌ی شه‌پۆله‌کانی ده‌ماغ زیاد ده‌کات . بۆیه‌ ئه‌مه‌ ده‌بێ دڵ خۆی بزانێ که‌ ده‌ماغ چه‌ندی پێویسته‌ له‌ خوێن تا به‌و ئه‌ندازه‌یه‌ بۆی بنێرێ که‌ ئه‌مه‌ش له‌ دڵی سروشتیدا خۆکاری "ذاتي" دیاری ده‌کرێت . دڵی ده‌ستکردیش مه‌حاله‌ بتوانێ ئه‌م هاوسەنگیە رابگرێت .

که‌واته‌ بۆمان ده‌رکه‌وت هه‌ر وه‌ك چۆن مه‌حاله‌ ده‌ماغی مرۆڤ بگۆرین !  به‌ هه‌مان شێوه‌ نابێ دڵی مرۆڤیش بگۆرین به‌ دڵیکی پلاستیکی و اصطناعي که‌ به‌س خوێن بگوازێته‌وه‌ .

ــــــــــــــــــــــــــــــــــــــــــــــــــــــــــــــــــــــــــــ

فراوانبوونی گەردوون - ئیعجازێك لە لووتکەدا

Big Bang Theory

هەموومان دەزانین قورئانی پیرۆز پێش زیاتر لە 1440 ساڵ دابەزیوە بۆ سەر پێغەمبەر محمد (( دروودی خوای لەسەر بێت )) کە لەو سەردەمدا زانستەکان لە هەموو بوارەکاندا دەتوانین بڵێــین لە خالی سفرەوە نزیك بوو ! واتە خەڵکی ئەو سەردەم شتێکی وایان لە زانستی بایۆلۆژیا و کۆزمۆلۆژیا و ئیمبریۆلۆژیا و .......هتد نەزانیوە ، بەڵکو زۆربەی بیرکردنەوە و هەم و غەمیان تێکردنی ورگیان بووە لەگەڵ خەریك بوون بە بت پەرستی و بازرگانی و ململانێی عەشیرەتگەری .
لە دوای تێپەربوونی سەدان ساڵ بەسەر ئەو سەردەمەدا شۆرش و وەرچەرخانی زانست و زانیاری گەیشتە لوتکە و پلەی بالای بە خۆوە بینی لە داهێنان و دۆزینەوە و بەرهەمێنان ، هەر لە میانەی ئەو دۆزینەوانەدا بوو زانای بەناوبانگی ئەمریکی ئیدوین هەبڵ Edwin Hubble لە ساڵی1929 گەیشتە ئەو ئەنجامە فەلەکیەی کەوا لێك دوورکەوتنەوەی گەلە ئەستێرەکان بە رێژەیەکی راستەوانە لەیەك دووردەکەوەنەو لەگەڵ رێژەی دوورکەوتنەوەیان لە ئێمە کە لە دوایشدا ناونرا بە ناوی خۆى Hubble Law کە بە پێی ئەم دەرەنجامەی هابڵ دەرکەوت کەواگەردوون فراوان دەبێت بە بەردوامی لەو چرکە ساتەی تەقینەوە گەورەکە bin bang هەتا ئەمرۆ بە بەردوامی قەبارە و تیرەی گەرودون لە زیادبووندایە . وە خێرایی فراوانبوونی گەردوون = 74.3km/s
کەواتە ئەم سیفەتەی ئاسمان یان گەردوون نەزانراو بوو هەتا 85 ساڵ پێش ئێستا . بەڵام پیاوێکی نەخوێندەوار لە بیابانێکی عەرەبی باسی ئەم سیفاتەی گەردوونی شیوەیەکی زۆر جوان و زانستی کردووە کە مەحالە ئەمە وتەی خۆی بووبێت بەڵکو بێ گومانمان دەکات کەوا لە رێگای دیزاینەر و خالقی ئەم گەردوونەوە بۆی دابەزیوە لە رێگای وەحیەو ، ئەوەی باسی ئێکسپانشنی یونیڤێرس یان فراوانبوونی گرردوونی کردوە بێ گوومان دەبێت لەدەرەوی ئەم گەردوونەوە باسی کردبێت و کە خۆی دیزاینی کردووە و هەر خۆشی ئەم زانیاریەی بە ئێمە داوە لە قورئانەکەیدا .
ئێستاش دێــینە سەر ئایەتەکە و تەفسیرەکەی :{{ وَالسَّمَاء بَنَيْنَاهَا بِأَيْدٍ وَإِنَّا لَمُوسِعُونَ }} سورة الذاریات آیة 47 .
ئیبن عەباس و قەتادە و موجاهید و الثوري دەڵێن : "بأید" واتە هێز ، وە زانایانی تەفسیر دەڵێن وشەی "موسعون" : اسم فاعل بصیغة الجمع لفعل اوسع و هو یفید الأستمرار أي استمرار التوسع .
واتە : موسعون ناوی بکەرە و بە شێوەی کۆ هاتوە بە فرمانی فراوانتر و بۆ بەردەوامی واتە بەردەوامی فراوانبوون .
کەواتە مانای ئایەتەکە : ئێمە ئاسمانەکان بە هێز و بازووی خۆمان دروست کردوە و وە هەر ئێمەش فراوانی دەکەین (( بە شێوەیەکی بەردەوام ))  .
......................................................
من دڵنیام 100% کەوا هەموو ئیلحاد و کوفری جیهانی کۆ ببنەوە ناتوانن ئەم ئیعجازە مەزن و شکۆمەندەی قورئان شیبکەنەوە و بڵێن موحەممەد لەم شتەوە یان لە فلانە کەسەوە ئەم زانیاریەی وەرگرتوە . ئەم ئایەتە پیرۆزە 100% بۆمان دەردەخات کەوا بێژەری قورئان لە دەروەی ئەم گەردوونە بووە کاتێك ئەم وتانەی فەرمووە 1440 ساڵ لەمەوبەر . وە ئەگەر ئینکاریش دەکەن و باوەر بەم موعجیزەیە ناهێنن وەرن فەرموون ئەمەش مەیدان و وەلاممان بدەنەوە ؟؟
------------------------------------------------

نیقاشی ئیلحادی و ئیمانی

نووسینی : کارزان چاورەش

17/2/2014

----------------------------

بەناوی خوای بەخشندەی میهرەبان

لەسەرەتاکانی هاتنەدی ژیان لەسەر ئەم هەسارەی ئێمەوە تاوەکو ئەمرۆ مرۆڤایەتی لە ململانێیەکی زۆر گەرم و بێ کۆتادایە لەسەر بوون و نەبوونی خودا و راستی و ناراستی ئایینە ئاسمانیەکان . وە ئەم ململانێیە هەرگیز کۆتایی نایەت چونکە هەتا رۆژی دوایی خودای گەورە خۆی بە هیچ کەسێك نیشان نادات ، کەواتە ئەوانەی بڕوایان بە خودا هێناوە لەسەر بنەمای "الأیمان بالغیب" بڕوایان پێی هێناوە و دەیپەرستن چونکە دەزانن و گومان لەوەدا نیە کە خودایەك لە پشتی ئەم گەردوونەوە هەیە و هەموو شتێك بە فەرمانی ئەو دەچێتە سەر و رێك خراوە .

بەڵام کاتێك باوەڕدارێك دەکەوێتە تاوتوێ و مناقەشەی بێ دین و مولحیدەکان لەسەر بوون و نەبوونی خودا ئەوە بەزۆری راستەوخۆ بەم شێوە و ستایلە نیقاش دەست پێ دەکات :
بڕوادار : کێ ئەم گەردوونەی دروست کرد ؟

بێ بڕوا : لە خۆوە دروست بوو بە صودفە !!!!

بڕوادار : هیچ شتێك لەخۆوە و بە صودفە دروست نابێ ..!

بێ بڕوا : ئەی باشە خوداکەی تۆ کێ دروستی کرد ؟

بڕوادار : خوداکەی من دروستکراو نیە بەڵکو خالق و بەدیهێنەرە ..!

ئەم شێواز و مۆدێلەی تاوتوێ کردنی بوون و نەبوونی خودا هەلەیە چونکە هیچکامیان نەچوونەتە سەر بنەرەتی بابەتەکان ، لێرەدا دەمەوێ روونی بکەمەوە کە ئایا چ پەیوەندیەك هەیە لە نێوان { سەرەتای مادە و کات و شوێن }

ئەم گەردوونەی ئێمە لە گەرورە ترین تەقینەوە هاتە بوون "بیگ بانگ ثیۆری" کە نزیکەی یەك لەسەر ملیار توان سێی چرکەیەکی برد لە کات و بێ دەرکردنی هیچ دەنگێك !! بە مانایەکی تر بیگ بانگ بووە هۆی هێنانە بوونی کات و شوێن و ماددە و بۆشایی لەیەك لەسەر ملیار توان سێی چرکەیەك {3^ 1\(1000000000) } ، وە ئەم تەقینەوەیە کە روویدا سەرەتا لە خاڵی سفرەوە دەستی پێ کرد . واتە " هیچ " نەبوو دواتر هاتە بوون . بەلام هەموو زانایانی گەردوون ناسی و فیزیا و فەلەك و بیرکاری و کیمیا هەموویان کۆکن و یەكدەنگن لەسەر ئەوەی کە هیچ بارستە ماددەیەك لە هیچەوە نایەتە بوون ، بەڵام گەردوون لە هیچەوە هاتە بوون !! جیاوازییەکە لێرەدایە کە چۆن گەردوون لە هیچەوە هاتە بوون ؟؟

زانای فەلەکی د.رۆبێرت هێرت  وە   د.دیڤید هیلفاند زانای فەلەکی بە نموونە دێنمەوە کە دەڵین :

{ ئەم گەردوونەی ئێمە لە سفرەوە دەستی پێکرد و هاتە بوون بەڵام نابێ پرسیار بکەین پێشی تەقینەوە گەورەکە چی هەبوو ؟؟ ئەم پرسیارە زانست و لۆژیك و عەقڵ ناتوانێ وەڵامی بداتەوە چونکە پێش تەقینەوە گەورەکە نە بۆشایی هەبوە و نە کــــات هەبووە ! بۆیە وەڵامی ئەم پرسیارە بەس خالقی گەردوون دەیزانێت }

کەواتە ئەم سەرەتایە کە لەهیچەوە دەستی پێکرد و نا ئاسایی بوو ، بەڵکوو جیاوازی هەرە سەرەکی ئەم تەقینەوەیە لەگەڵ تەقینەوەکانی تر بریتی بوو لەوەی کە هەموو تەقینەوەیەك تێکدان و کاولکاری و لاسەنگی دروست دەکات ، بەڵام بیگ بانگ بووە هۆی هێنانە بوونی سیستەمێکی یەکجار وورد و ڕێك لە هەردوو ئاستی ماددی و فۆتۆنی  کە "گەردوونە" .

کەواتە ئێستا زانست و زانایان پێمان دەڵین کە ئەم گەردوونە لە هیچەوە دروست بوو ،

ئایا قورئانیش وادەڵێ ؟

بەڵێ ، خودای گەورە لە قورئانی پیرۆزدا دەفەرموێ : (بدیع السموت و الأرض ) 101  - الأنعام

واتە خودا داهێنەری ئاسمانەکان و زەوییە لە نەبوون – التفسیر المیسر : تەفسیری ئاسان

کەواتە گەردوون بە شێوەیەکی نائاسایی هاتە بوون و پێویستی بە خالق و دیزاینەرێك هەبوو تا بێتە بوون لە نەبوونەوە ، وە ئێستا زانایان دەڵێن "کات " وەهم و ئەندێشەیە بەو واتایەی کە دەکرێ کات نێگەتیڤ بێت و بگەرێتەوە دواوە بە گۆڕینی هێزی کێش و ئاراستە و دووری هەربۆیە دەڵێن کاتیش رێژەییە ، واتە قابیلی گۆرانە و دروست کراوە ، ئەگەر لۆژیکانە بیر بکەینەوە چۆن دەکرێ خودا بخرێتە نێوان دوو توێی کات و بڵێین کێ خودای دروست کرد ؟ ئەم پرسیارە لە رووی فیزیاییەوە هەلەیە !

خودا ئەو زاتەیە کە بووە هۆی هاتنە بوونی ئەم گەردوونە لە نەبوون و سفرەوە ، وە هەر ئەم زاتەشە کە گەردوون کۆتایی پێ دێنێت و دەیکاتەوە سفر کاتێك دونیا خرادەبێ و قیامەت دادێت . 

؞ کەواتە نابێ بڵـێین کێ خودای دروست کرد چونکە خودا هەموو شتێکی لە نەبوونەوە هێنایە بوون ، نابێ بەهیچ پێوەرێکی ماددی و عەقڵی خودا بهێنینە رێزی ئەو شتانەی کە لەناو سنووری گەردووندان . ئەوەی لەناو ئەم گەردوونە فراوانەی ئێمەیە هەمووی لە بیگ بانگەوە یە و بیگ بانگیش خودا هێنایە بوون . هیچ کەسێکی خاوەن عەقڵ و زانست و شارەزا لە کۆزمۆلۆژیا واتە گەردوونناسی نابێ ئەوە رەت بکاتەوە کە بیگ بانگ پێوسیتی بە دیزاینەر بووە ، چونکە هەموو گەردوون بە دارشتنێکی زیرەکانە داڕێژراوە ، هەموو داڕشتن و دیزانیکراوێکی زیرەکیش  پێویستی بە داڕشتەر و دیزاینەری زیرەك هەیە کە خودای تاك و بێ هاوتایە .

ئەگەر تۆی بێ بڕوا گومانت هەیە لە بوونی خودا یان هەر بڕوات پێ نیە وەرە پێشەوە و بوێرانە پێمان بڵێ کێ بووە هۆی بیگ بانگ ؟ وە پێش بیگ بانگ چی هەبوو ؟ یان چۆن ماددە لە نەبوونەوە دێتە بوون ؟ ئایا دەتوانی لە تاقیگە گەردوونێکی نموونەییمان پیشان بدەیت و بڵێی ئەوە ماددە و وزە م بەرهەمهێنا لەم تاقیگەیە لە نەبوونەوە ؟

ئەگەر ناتوانی بۆچی بڕوا ناهێنی بە خودای بەدیهێەری بە توانا ؟

تۆ بێ دین نیت چونکە تۆش باوەرت هەیە !

نووسینی : کارزان چاورەش

20/2/2014 

بێ دین بڕوا بە بوونی "ئەلەکتڕۆن" دەکات کە هەرگیز بە چاو نابینرێت!!

بێ دین بـڕوا بە بوونی "کـارەبا" دەکات کـە هەرگیز بـە چاو نابـینرێت!!

بێ دین بڕوا بە بوونی "عەقڵ" دەکــات کە هەرگیز بە چاو نابینرێت!!

بێ دین بڕوا بە بوونی "وزە" دەکات کە هەرگیز بە چاو نابینرێت!!

بێ دین بڕوا بە بوونی "ئۆربیتاڵ" دەکات کە هەرگیز بە چاو نابینرێت!!

هەر شتــێكیش بە چاو نەت بینی و زانیت کە بوونی هەیە کەواتە بڕوات پێی هەیە !

بەڵام بـڕوا بە بوونی بەدیهێنەر و خالقێك ناکات کە (الله) یــە بەو بیانوەی کە نابینرێت ! دڵنیام ئێستا تۆی بێ دین کە ئەمانەی سەرەوەت خوێندەوە لە دڵی خۆت دەڵێــی ئەگەر ئەلەکترۆن و کارەبا و عەقـڵ و ....هتد نـەبیریت بە چاو بەڵام شوێنکار و کاریگەریەکانی دەبینرێ بۆ نموونە ئەلەکترۆن نەبێ هیچ ماددەیەك بوونی نابێ و رووناکیش نابێ ! وە کارەباش نەبێ هیچ ئامێرێكی کارەبایی کار ناکات ! وە عەقلیش نەبێت مرۆڤ ناتوانێت بـڕیار بدات و چاکە و خراپە لەیەك جیا بکاتەوە ،،، وە هەروەها ....

بەڵام بۆچی بیرناکەیتەوە کە شوێنکار و کاریگەری و جێ دەستی خالق و بەدیهێنەرێکی زۆر زیرەك و زانا لەم گەردوونە فراوانەی ئێمە دیارە؟؟ لە خانەیەکی بچووکی زیندەوەر کە دەبێ 10000 گەورەی بکەی بۆ ئەوەی بیــبینی  تا دەگاتە گەلەئەستێرەیەك کە 200~100 ملیار ئەستێرەی تیایە . وە ئەگەر (الله) نەبێ وەکو ئێوە دەڵێن ئەوە ئەم گەردوونەی ئێمە بۆ یەك چرکە ساتیش خۆی ناگرێ ! وە لە هەردوو ئاستی گەردی و فۆتۆنی هەرەس دێنێ و لاسەنگی لەهەر چوار هێزەکەی ڕوودەدات و کاول دەبێ کە ئەمە زانست سەلماندوویەتی .

ئایا کاتی ئەوە نەهاتووە کە "بــڕوا" بەو 

زاتە بەرز و زانایە بێنی کە هەموو شتێکی دروست کردووە بە ئەندازە و سیستەمێکی یەکجار یەکجار یەکجار رێك و ورد و دەقیق ؟

 بۆچی ئایین رەتدەکەیتەوە ؟

========================

نووسـەر : کارزان زانست خواز

 17/2/2014

بەناوی خوای بەخشندە و میهرەبان

-------------------------------------

ـــ هەموو مرۆڤێك لە ژیانیدا هەوڵدەدات خۆشبەختی و کامەرانی بەدەست بێنێت ، وە بێ گومان خۆشبەختی و کامەرانی شتێکی مەعنەویە نەوەك ماددی و دارایی ، بەڵام دەرەنجامی هەوڵەکانمان رەنگدانەوەی جیاوازی هەیە لە ژیانماندا و وامان لێ دەکات بە جیاوازی بژین و ژیان بەڕێ بکەین لە دیدگا و ئاسۆی جیاوازدا .

لێرەدا پرسیارێك دروست دەبێت : ئایا ئایـین (بە تایبەتی ئیسلام) خۆشبەختی بە مرۆڤ دەبەخشێ یان دڵتەنگی و نەهامەتی ؟

بێگومان ریالیتی و واقیع پێمان دەڵێت کە ئایـینەکان بەگشتی و ئایینی ئیسلام بە تایبەتی هاتووە بۆ خۆشبەتی کۆمەڵگا و لە ئاژەلەکانمان جیابکاتەوە نەوەك چەوساندنەوە و نەهامەتی بیت یان بە ئاژەڵمان یەکسان بکات !

بەڵام ئەو ئایندارانەی بە هەڵە لە چەمکی ئاینداری تێگەیشتون ژینگەیەکی نەشیاو وێنا دەکەن لە ژیاندا و وای نیشان دەدەن کە ئایین بریتیە لەوەی کە بە زۆر خەڵك بکەیتە باوەڕدار و لە هەموو کات و شوێنێکدا دەبێ رای خۆت بسەپینی ، وە هەندێکی تریش ئاین بە فاکتەری دابڕان دادەنێن لە دونیا و تەنها خۆیان بە بەندایەتی خودا خەریك دەکەن . بۆیە لێرەدا پیویستە ئێمەی ئایندار خۆمان لە (افراط و تەفریط) بە دوور بگرین و هەموو شتێك بە پێوانەی خۆی پێوەی پابەند بین .

وە لە ئێستادا ژمارەیەكی کەم هەن لە مرۆڤەکان کە بێ دینی هەڵدەبژێرن و پێیان وایە لە هەموو خورافات و کۆت و بەند و سنورێك رزگاریان بووە !! لە راستیدا ئەمە هەڵەیەکی گەورەیە چونکە تۆ هەرگیز ناتوانی بە پێچەوانەی واقیع بیربکەیتەوە ئەگەر واش بیربکەیتەوە ئەوا پێشی هەموو کەسێ خۆت هەست دەکەی کە هەلەی بەلام هەر هەوڵدەدەی واقیع و لۆژیك بگۆڕی بۆ ئەوەی لەگەڵ ئەو چەند بنەما و چەمکە هەڵەیەی تۆ بگونجێت . بیگومان هەموومان دەبێ بۆ عەقڵ و لۆژیك و زانست ملکەچ بین ، با هەموومان بەیەکەوە بە بێ دین و دیندارەوە بێین لێبکۆڵینەوە و بزانین عەقڵ و لۆژیك و زانست چیمان پێئ دەڵیت ؟

ڕێسایەك هەیە لە لۆژیك دەڵێت : {هەموو دیزانکراوێك دیزانەری هەیە}

وە عەقلێش دەڵیت : {هەموو شتێك خاوەنی هەیە }

وە زانستیش دەڵێت : {هەموو "شتێك" سەرەتا و کۆتای هەیە و ڕێژەییە}

هەموولایەکمان هەتا ئێرە کۆڕاین ، بەڵام بەداخەوە لێرە بەدواوە دەبینە دوو کۆمەڵە ! کۆمەڵێکمان عەقڵ و لۆژیك و زانست قەبوڵ دەکەن و کۆمەلێکیشمان رەتی دەکەن .

- ئایا بۆچی ئەوانەی بێ ئایین دەژین ڕێژەیەك لە عەقڵ و لۆژیك و زانست رەت دەکەن؟!

لەبەر ئەوەی ئەگەر بڵێن بروامان بە عەقڵ و لۆژیك و زانست هەیە ئەوا بێگومان دەبێت بروا بینێت و بڵێ : لا اله الا الله . وە ئەگەر ویستی لە ژیانی قیامەتیشدا لە خۆشبەختان و سەرفرازان بێت ئەوا دەبێت ببیتە ئایندار و بڵێت : محمد رسول الله .

ئێستا لای بێ دین پرسیارێك دورست دەبێ : ئایا من لە چیدا عەقڵ و لۆژیك و زانست رەت دەکەمەوە ؟

- تۆی بێ دین لەم خالانەی خوارەوەدا لۆژیك و عەقڵ و زانست رەت دەکەیەوە :

1- لۆژیك دەڵێ سیستەم و ستراتیژیەت رەهەندێکی هەرەمەکی روونادات . بەڵکو دەبێت دانەر و ریکخەری هەبێ ، بەلام تۆ رەتی دەکەیەوە .

2- ئەگەر سەرنجێك بدەین لە مۆدێرن کۆزمۆلۆژیا واتە "زانستی گەردووناسی نوێ" ئەوا پێمان دەڵێت ئەم گەردوونەی ئێمە لە لە ئاستێکی زۆۆۆۆۆۆۆۆر بەرزی رێکخستندایە و یەکجار یەکجار بە سیستەم و میکانیزمێکی ورد و ڕێك دارێژراوە بە ڕاددەیەك ئەگەر دووری دوو ناوکی ماددەیەكمان لەیەك دوورخستەوە یان نزیك کردەوە بە رێژەی : {1\100000000000000000000000000000000000000000000000000000000000000000000000000000000000000000000000000000000000000000000000000000000000000000000 {

 ئەوا ئەم ماددەیە لە ناودەچێت ، تۆ ڕەتی دەکەیەوە کە ئەمە دەستی بەدیهێنەر و خالق رای گرتبێ .

3- هەموومان دەزانین Cell واتە خانەی زیندەوەر کە یەکەی پێکهێنانی زیندەوەرە یەکجار یەکجار ئاڵٶزە و پڕیەتی لە دەزگا و کۆمپانیای بەرهەمهێنانی وزە و زانیاری و بەرهەمهێنان ، چەندین زانا لەسەر ئاڵۆزی خانە بڕوایان بە خودا هێناوە کە دەیان گوت مەحالە خانەیەك بەم هەموو ئاڵۆزی و بچووکیەوە لە خۆوە دروست بوبێت و بیگومان دیزانەر و بەدیهێنەری هەیە . بەڵام تۆی بی دین رەتی دەکەیەوە .

4- ئیعجاز ؛ ئیعجاز واتە ئەو شتانەی کە "عەقل"ی مرۆڤ لە ئاست تێگەیشتی دەستە وەستان دەبێت و ناتوانێت بە عەقڵە سادەکەی خۆی لێکدانەوەی بۆ بکات ، هەموو ئیعجازەکان کە لە پێغەمبەرانەوە بینراون کەس نەیتوانیوە ئینکاری بکات و بەڵکو دەمی هەموو بێ بڕوایانی داخستوە . بەڵام ئیعجازەکانی کۆتا نێردراوی خوا بۆ مرۆڤایەتی هەمە جۆر و هەمە لایەنە و بەردەوامە تا رۆژی قیامەت . ئیعجازی زانستی و پزیشکی و ژمارەیی و گەردوونی و زیندەیی و زامانەوانی و ،،،،،،هتد لە فەرموودەکانی خوادا هەیە کە قورئانی پیرۆزە . وە زانستی نوێش تەنانەت بە بڕی یەك "مایکرۆ" جیاوازی نیە لەگەڵ هەموو ئەو ئیعجازانەی کە لە قورئاندا هاتوون و لەم دواییەدا دۆزراوەتەوە .

لە کۆتاییدا هیوادارم هەموو لایەکمان بە بێ دین و دیندارەکان کوێرانە بە دوای باوك و باپیرانمان نەکەوین ! بەڵکو هەتا خوداپەرستی و ئاینداریشمان با بە عەقڵ و لۆژیك بیت ، ئەوەتا خودای گەورە هانمان دەدات بۆ ئەوەی عەقڵی خۆمان بخەینە گەر : قل أفلا تعقلون ؟ . وە ئاینی ئیسلامیش لە ئەلیفەوە تا یاء هەمووی لەگەڵ عەقڵ و لۆژیك و زانست دەگونجێت . بۆیە ئێستا ئێمەی مرۆڤایەتی هیچ حوجە و پاساوێکمان نەماوە تا بەکاری بێنین بۆ وەڵامدانەوەی پرسیارەکانی خودای پەروەردگار کاتێك دەڵیت بۆچی موسڵمان نەبووی و بروات بە من و بە پێغەمبەر و نیردراوەکان نەهێنا ؟

هیوادارم زیاتر و زیاتر خۆمان بەهرەمەند بکەین بە زانست و زانیاری چونکە بێ گومان بۆ ئاسۆی ئیمان و بەهەشتی خوامان دەبات .